Teksa prezantoi detaje nga projekti i Teatrit të ri Kombëtar, kryebashkiaku i Tiranës zbuloi se me çfarë parash do ndërtohet ai. Gjatë mbledhjes së sotme online të Këshillit Bashkiak Veliaj sqaroi se do të marrin kredi.
“Nuk i kemi lekët, por Teatrin do ta bëjmë me paratë e bankës. Do marrim kredi. Është praktikë normale. Po e bëjmë vetë, qeveria i jep bashkisë garanci sovrane dhe ne e marrim nga bankat dhe e bëjmë vetë.
Besoj që në këto tre muaj do të punojmë me dy ekipe, ekipi financiar, që negocion kredinë dhe ai teknik për detajimin e projektit. Teksa shkojmë drejt detajimit kemi mundësi që të bashkëpunojmë të gjithë për të hapur themelet brenda këtij viti” tha ai.
Më tej Veliaj shtoi se, “Qeveria i jep bashkisë garanci sovrane, ne këtë e marrim nga bankat. Se pastaj thonë se jemi me oligarkët apo e bëjmë me oligarkët. Ne kemi 10-fishuar taksën e ndërtimit. Dhe me këto do lajmë edhe kredinë. Për të gjitha këto, kjo do jetë mënyra e financimit”.
