Kryeministri Edi Rama nuk ka kursyer ironitë e tij edhe për opozitën dhe qëndrimin e tyre në lidhje me shembjen e Teatrit Kombëtar. Ai tha se turma e përgatitur prej shumë kohësh që e kishte hipotekuar prej dy vitesh atë godinë si kështjellën ku do të organizonte sulmin final mbi dhe.
“Por kur dobësia është që mbi të gjitha vjen gjumi dhe kapesh në gjumë teksa je duke ëndërruar se tanimë ke triumfuar dhe hap sytë dhe sheh që kalaja ka rënë ka dëshpërim. Humbin një betejë kur kanë humbur rrugën dhe objektin.
Por kanë zgjedhur rrugën e gabuar me objektin e gabuar se nuk po them njerëzit e gabuar, habitem si nuk na kanë njohur akoma”, deklaroi Rama.
Kreu i qeverisë e quajti Sali Berishën, dramaturg plak, ndërsa Presidentin Ilir Meta si komedian të Presidencës.
“Larg qoftë, të them unë se plaku digjital nuk e do teatrin, ai është dramaturg i lindur, apo Basha, ai është artist i lindur, një aktor që i është huazuar politikës për t’i dhënë shpirtin. Ilir Meta, ai është gati që të vendosë ballin e tij mbi Kushtetutë dhe të bëhet njësh me shqiponjën dhe të shfaqet me një majë të lartë duke u parashutuar me Çim Pikën për të na ngrënë mëlçinë të gjithëve.
Monika është me Volterin. Lerë pastaj një Budinë e madhe dhe një e vogël që pas fjalimit turren të përqafojnë artistin, Lulin”, tha Rama./b.b/Fjala.al
“Godina e vjetër e Teatrit si fëmija ilegal dhe bastard”, Rama: Projekti nuk përfundoi kurrë
