Ambasadorja amerikane në Tiranë, Yuri Kim ka mbajtur sot të njëjtin qëndrim të ashpër si ditën e djeshme, kundër çdo pazari politik për reformën zgjedhore dhe reformën në drejtësi.
“Mesazhi im është shumë i qartë. SHBA duan të njëjtën gjë që populli shqiptar do. Duam që Shqipëria të jetë aleat i fortë, i aftë i SHBA dhe të jetë pjesë e familjes evropiane. Ju nuk mund ta keni këtë pa reformë zgjedhore, ju nuk mund ta keni këtë pa reformë në Drejtësi. Këto të dyja s’janë pazare, por domosdoshmëri. Është koha të realizohen, dhe jo të bëhen lojëra. Është koha të realizohet reforma në Drejtësi dhe ajo zgjedhorja. Është koha që liderët të mbajnë fjalën para shqiptarëve. Kjo është ajo që shqiptarët dhe SHBA-të presin prej tyre”, u shpreh ambasadorja Kim.
Dje, ambasadorja paralajmëroi kundër çdo përpjekjeje për një marrëveshje të fshehtë “për të vrarë reformën në drejtësi”.
