Një aksident automobilistik është regjistruar mbrëmjen e kësaj të enjteje në kryeqytet, ku për pasojë ka mbetur i plagosur një person.
Mësohet se mjeti me drejtues shtetasin K.S., 27 vjeç, është përplasur me mjetin me drejtuesin shtetasin A.N., 41 vjeç. Si pasojë e aksidentit është plagosur 27 vjeçari, i cili është dërguar në spital përe të marrë ndihmën mjekësore. Ende nuk dihet gjendja e tij shëndetësore.
Aksidenti ka ndodhur rreth orës 22:15, në rrugën “Perlat Rexhepi”.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes./E.B./Fjala.al
