Kompanitë ajrore nga Jordania dhe Bahreini kanë njoftuar pezullimin e fluturimeve për në Bagdad. Lajmi është mësuar pak pas mesnate dhe ky vendim merret deri në njoftimin e mëtejshëm. Ky akt vjen në kohën kur po përshkallëzohen tensionet në kryeqytetin e Irakut.
Royal Jordanian tha se vendimi ishte rezultat i situatës së paqëndrueshme të sigurisë, mirëpo fluturimet në Basra, Erbil, Najaf dhe Sulaymaniyah do të vazhdojnë si më parë.
Në mënyrë të ngjashme, Gulf Air i Bahreinit njoftoi se ndaloi fluturimet për në Bagdad dhe Najaf.
Njoftimet vijnë disa orë pas sulmeve ajrore amerikane pranë Aeroportit Ndërkombëtar të Bagdadit, ku është vrarë komandanti i Forcave të Gardës Revolucionare të Iranit, Qasem Soleimani, dhe nënkryetari i grupit ‘Hashd al-Shaabi’ Abu Mahdi al-Muhandis. /Fjala.al/
