Zjarret që përfshinë Australinë kanë sjellë në rrjetet sociale dhe kudo në media pamje të tmerrshme të kafshëve që përpiqen të shpëtojnë nga zjarri në pyje.
Zjarri i rënë në Australi një nga shtëpitë më të mëdha të kangurëve e koalave ka një bilanc të frikshëm e të dhimbshëm për ato kafshë të pafajshme. Në media kudo në botë raportohet nga zjarri apokaliptik janë djegur e shfarosur gjysmë miliardi kafshë.
Rreth 480 milionë gjitarë, zogj dhe zvarranikë u zhdukën që prej zjarreve të muajit shtator, thonë burime nga Universiteti i Sidnejt, madje dyshohet se mund të ketë një shifër më të lartë se kaq, por deri më tani ky numër është i konfirmuar.
Këto llogaritje janë të bazuara nga raporti i Fondit Botëror të Jetës së Egër i vitit 2007, nga ku rezultonte se pastrimi i 600 mijë hektarëve pyje do të sillte humbjen e 104 milionë vertebrorëve autoktonë përmes humbjes së ushqimit dhe strehimit.
Profesori i Universitetit të Sidnejt, Christopher Dickman nxori përfundimin se djegia e 3 milionë hektarë tokë ka sjellë edhe humbjen e kafshëve,ndonëse mund të ketë një shifër të vogël shpendësh që kanë fluturuar e gjitarë ose zvarranikësh që mund të jenë fshehur nëntokë.
Megjithatë, pavarësisht kësaj numri i kafshëve që janë djegur është relativisht i lartë e i frikshëm dhe sipas këtij profesori kjo gjë do të sjellë sulmet e grabitqarëve nga mungesa e ushqimit, duke reduktuar në mënyrë të frikshme kafshët e tjera të rajoneve të prekura nga zjarret./Fjala.al/
