Detaje të reja kanë dalë sa i përket vdekjes së një shtetasi sirian në qytetin e Durrësit. I riu, rreth moshës 20 vjeç, u gjet i vdekur mëngjesin e sotëm te ish-hotel Vollga.
Ndonëse në trupin e viktimës kishte shenja gjaku, hetimet paraprake nga ekspertiza mjeko-ligjore tregojnë se në trup nuk ka shenja dhune. Dyshimet janë se i riu mund të ketë rënë nga kati i tretë i godinës, çka i ka shkaktuar atij vdekjen.
Një numër i konsiderueshëm refugjatësh sirianë janë bllokuar në qytete të ndryshme të Shqipërisë për shkak të masave izoluese të koronavirusit. Ata synojnë të kalojnë për në Mal të Zi për të vijuar rrugën drejt Gjermanisë.
