Vëllai i George Floyd ka kërkuar hetim për vrasjet e afro-amerikanëve nga policia në SHBA. Ai i ka bërë thirrje Kombeve të Bashkuara të mërkurën, që të krijojnë një komision të pavarur.
“Viktima mund të isha unë në Mineapolis atë ditë. OKB në Gjenevë duhet që të hetojë urgjentisht rastin, të shqyrtojë racizmin dhe dhunën e policisë amerikane”, tha Philonise Floyd, vëllai i të ndjerit.
“Shpresoj që ju do të konsideroni krijimin e një komisioni të pavarur hetimi për të hetuar vrasjet policore të njerëzve më ngjyrë në SHBA dhe të protestuesve”, shtoi ai.
Rikujtojmë se vdekja e George Floyd shkaktoi protesta masive në SHBA dhe në mbarë botën. Ka.li/fjala.al
