Gazetari Ilir Kadia ka kujtuar një detaj të veçantë mes shkrimtarit Dritëro Agollit dhe studiuesit Moikom Zeqo, të cilit iu bënë homazhe ditën e djeshme në Muzeun Historik Kombëtar, ku më pas u përcoll për në banesën e fundit.
Në një postim në rrjetet sociale ai ka treguar atë se çfarë i ka rrëfyer Mikom Zeqo, të cilit shkrimtari Dritëroi Agolli i kishte deklaruar se nuk dëshironte të jetonte asnjë ditë më shumë se 60 vjeç, ndërkohë që vitet kalonin dhe kur ia kujtonte këtë gjë Moikomi i kërkonte që t’ia shtynte dhe ca. Në fund të rrëfimit, Kadia shkruan se Dritëroi vdiq 87 vjeç, Moikomi 71 vjeç dhe se nuk di t’i jetë zotuar njeriu.
Postimi i plotë:
Moikomi dhe Dritëroi!
Më tregonte Moikomi në zyrën e tij,në Muzeumin Kombëtar, njëherë:” Po pinim raki me Dritëroin dhe Fatos Arapin kur befas Dritëroi deklaroi se nuk do desh të jetonte asnjë ditë më shumë pasi të mbushte 60 vjeç! Nuk i do njeri pleqtë,tha Dritëroi.Deri atëherë fëmijët do jenë rritur e bërë zotër të vetes!Do ketë qënë fillimi i viteve 80′!Mirëpo unë e mbajta mend zotimin e Dritëroit dhe kur mbushi të gjashtëdhjetat i kujtova se kishte ardhur koha të vdiste!Ma shty edhe ca o Moikom!Pa shih sa e bukur është jeta!-më tha Dritëroi.Dhe unë ja shtyva dhjetë vjet!Kur bëri shtatëdhjetë e takova prap.Hë!-i thashë.O Moikom,unë ty t’u zotova nuk iu zotova Partisë!Më lër edhe dhjetë vjet!Shih sa të bukur i kam mbesat dhe nipërit!Dhe unë e lashë!Vdiq kur deshi!”
Dritëroi vdiq 87 vjeç! Moikomi 71 vjeç!Unë nuk di t’i jetë zotuar njeriu!
/En.Br./Fjala.al
