Kryeparlamentari irakian, Mohammed al-Halbousi e ka cilësuar sulmin e mbrëmshëm me raketa të Iranit mbi bazat ushtarake amerikane si shkelje të sovranitetit të Irakut.
Në një deklaratë të lëshuar për media, al-Halbousi u ka bërë thirrje të dy palëve që të përmbahen me veprimet e tyre.
Ai ka thënë se Iraku refuzon që palët e përfshira në konflikt ta përdorin territorin e këtij shteti për arritjen e qëllimeve të tyre.
“Ne do të ndërmarrim veprimet bashkë me qeverinë irakiane, që të ndalen sulme të tilla që cenojnë sovranitetin e Irakut, dhe shtetin tonë ta mbajmë jashtë konflikteve dhe zonës së konfliktit”, -ka thënë kryeparlamentari irakian./Fjala.al
