Aksident me pasojë një person të plagosur është regjistruar paraditen e sotme në rrugët e kryeqytetit.
Ngjarja ka ndodhur rreth orës 09:40, në bulevardin “Gjergj Fishta”, ku mjeti me drejtues shtetasin F.R., ka aksidentuar një këmbësor ende të paidentifikuar.
I plagosuri u dërgua menjëherë në spital, dhe ndodhet nën kujdesin e mjekëve.
Ndërkohë mjeti dhe drejtuesi i mjetit ndodhen në vendngjarje, teksa policia po kryen veprimet e rastit.
Grupi hetimor ndodhet në vendngjarje dhe vijon punën për zbardhjen e plotë të rrethanave të aksidentit./Bl.Ba/Fjala.al
