Tirana zgjohet e përgjakur këtë 10 janar. Viktimë është një grua. Është viktimë e dhunës në familje ndërkohë që autori nuk është bashkëshorti por kunati. Ngjarja e rëndë mësohet se ka ndodhur orëve të vona të mbrëmjes ndërkohë autori i krimit është larguar në drejtim të paditur. Policia bën me dije se viktimë e një sulmi me mjete të forta ka mbetur Enkeleda Çapoku, 38 vjeç, nënë e dy fëmijëve.
Erdet Çapoku është autori i ngjarjes së rëndë ndërkohë bëhet me dije se dëshmitar të ngjarjes së rëndë janë e bija e viktimës dhe nëna e saj. Familja Çapoku banonte në Paskuqan ndërkohë që policia ende nuk ka mundur të zbardhë shkaqet e ngjarjes së rëndë. Po merren në pyetje familjarët dhe të afërmit e palëve ndërkohë për gjatë gjithë natës është bërë e mundur krehja e zonës por nuk është gjendur vrasësi. Policia paraprakisht thotë se bëhet fjalë për një krim për shkak të konflikteve familjare por nuk specifikohet se cilat janë këto konflikte. / Fjala.al/
