Një makinë është djegur në mesnatë në lagjen ‘Punëtori’, ndërsa zjarrëvënia sipas policisë ka qenë e qëllimshme. Ngjarja ka ndodhur rreth orës 01:00. Makina tip fuoristradë “Land Rover” me targa AA 141 AA që është përfshirë nga flakët është në pronësi të Xh.F.
Pronari i makinës ka bërë denoncim se zjarri ka qenë i qëllimshëm. Ai ka deklaruar në polici se nuk ka konflikte. Edhe policia thekson se mjeti është lyer me benzinë në pjesën e përparme dhe më pas i është vendosur flaka.
Zjarrin në mjet e kanë shuar zjarrëfikset duke bërë të mundur që mjeti të mos digjet krejtësisht. Janë verifikuar një sërë gjurmësh të gjetura në vendin e ngjarjes ndërkohë që policia po err në pyetje edhe anëtarët e tjerë të familjes F. Pronari është person i njohur në zonën e Fushë-Krujës. /Fjala.al/
