Kryeministri Edi Rama ka folur për situatën politike në rajon në një intervistë për një gazetë zviceriane. Sipas tij situata mund të dalë jashtë kontrollit në Maqedoni sepse kreu i partisë më të madhe të vendit ka mohuar mandatin e shqiptarëve për të ndihmuar në ndërtimin e qeverisë.
“Ne po kërkojmë vetëm që qeveria në Shkup të respektojë të drejtat e pakicës shqiptare. Është e pakonceptueshme për ne që maqedonasit të refuzojnë shqipen si gjuhë zyrtare në nivel kombëtar,”-tha ndër të tjera Rama.
Kryeministri Rama shpjegoi se në rritjen e emocioneve politike kanë ndikuar edhe porvokimet serbe kundrejt Kosovës, siç ishte dërgimin i një treni të zbukuruar me ngjyra serbe dhe shprehjen “Kosova është Serbi”
“Kur e konsideroni këtë trashëgimi, e vetmja mënyrë që vendet e Ballkanit të shndërrohen në demokraci të pjekur është ta bëjnë këtë brenda Bashkimit Evropian,”- i tha kryeministri Rama gazetës zvicerane.
“Për sa kohë që njerëzit dhe elita politike e Ballkanit nuk e humbin besimin në anëtarësimin në BE, ata do të qëndrojnë të qetë. Kufijtë do të jenë në rrezik nëse Bashkimi Evropian dorëzohet, duke vepruar kështu, na braktis tek rusët”- përfundoi kryeministri Rama intervistën.
Burimi: Reuters
