Halli më i madh në këto ditë festash është mbrojtja e bredhit të vitit të ri nga kafshët shtëpiake. Më problematike janë macet pasi ato do ju bënin shtëpinë rrëmujë çdo 15 minuta duke hedhur poshtë të gjitha goglat dhe xixat e bredhit. Më pas ato i fshehin goglat poshtë krevatit ose divanit si xhevaire.
Njerëz kreativë nga e gjithë bota kanë menduar t’iu vinë në ndihmë se si të shpëtoni bredhin nga kafshët tuaja. Nëse këto teknika nuk ju vijnë në ndihmë ju mund të vini macen në majë të bredhit për t’i dhënë sharmin e duhur shtëpisë suaj.
Teknika më e sigurtë për të shpëtuar bredhin është që ta vendosni atë me kokë poshtë në tavan ose edhe ta mbyllni atë në një kuti xhami. Një tjetër metodë mbrojtëse është që ta fusni bredhin në një kafaz hekuri i cili nuk lejon që të futet macja ose qeni.
Nëse doni të tregoheni nikoqirë dhe nuk gjeni dot kafaz ose kuti xhami ju mund ta mbështillni bredhin me qese ose të shkulni degët deri në lartësinë që arrin të kërcejë macja.
Studiuesit kanë arritur në përfundimin se mënyra me e sigurtë për të mbrojtur bredhin nga kafshët shtëpiake është që të mos kesh fare bredh për vitin e ri ose ta zëvendësosh atë me një aromantik që vendoset te pasqyra e makinës.
/fjala.al
