Metodat e emigracionit për në Angli nga shqiptarët janë nga më të ndryshmet pasi vazhdon të mbetet një nga destinacionet më të pëlqyera për të jetuarar. Metoda më e përdorur për të emigruar në Angli pa dokumenta është udhëtimi nëpër kamiona frigoriferikë por kjo ka dështuar shumicën e rasteve.
Policia ka evidentuar një tjetër rast përsa i përket emigracionit të paligjshëm të shqiptarëve në Angli. Ka qenë një kapiten jahtesh i cili ka pranuar se ka ndihmuar tetë emigrantë shqiptarë të hyjnë në Mbretërinë e Bashkuar në mënyrë të paligjshme. Zbulimi i tij u përgjua 6 nëntor nga një anije e Forcave Kufitare dhe helikopteri i cili bënte roje bregdetare.
Wolfram Steidl, 64 vjeç, i njohur gjithashtu si Charles Lynch, pranoi se ishte i përfshirë në ndihmën që ju jepte emigrantëve të paligjshëm në një seancë në Gjykatën e Portsmouth. Vendimi për të do të merret në 14 shkurt ku gjithashtu mbi të do të rëndojnë akuzat e përdorimit të dokumenteve të fallsifikuara.
Anija e cila transportonte shtatë të rritur shqiptarë dhe një fëmijë u përgjua në Kanalin anglez në brigjet e west Sussex. Varka u dërgua në bazën detare të Portsmouth, ndërsa migrantët u dorëzuan pranë autoriteteve të emigracionit.
