Skuadra e Partizanit ka konfirmuar transferimin e mesfushorit, Jasir Asani te klubi suedez i AIK Stokolm.
Në një njoftim në faqen zyrtare të Partizanit shkruhet se Asani do huazohet nga AIK gjatë merkatos së janarit, ndërsa në fund të sezonit skuadra suedeze do të ketë të drejtën e blerjes së kartonit.
“Klubi njofton sot arritjen e marrëveshjes së transferimit të Jasir Asanit drejt ekipi suedez AIK. Mesfushori me tipare sulmuese do të kalojë në formulën e huazimit te klubi suedez nga Janari 2020. Klubi i AIK njëkohësisht do të ketë edhe të drejtën e blerjes së kartonit të Asanit në fund të sezonit. 24 vjeçari do të jetë në dispozicion të kampionëve të Shqipërisë edhe për dy ndeshjet e radhës ndaj Teutës dhe Vllaznisë, për të vijuar më pas aventurën e tij të re në kampionatin suedez.”- shkruhet në njoftim.
Pavarësisht se në këtë sezon Asani u la më shumë në stol nga trajneri i saposhkarkuar Franko Lerda, duhet theksur se gjatë sezonit të kaluar, ku ekipi kryeqytetas u shpall kampion, mesfushori pati një performancë goxha të lartë./Përgatiti: Fjala.al/
