Pas miratimit në Kuvendi me 82 vota pro të paketës ‘Anti-Shpifje’, tashmë gjithccka mbetet në dorën e Presidenti Meta, nëse do të dekretojë apo jo ligjin. Gjithccka mbetet për tu parë në ditët në vijim.
Ndërkaq kryetari i PD, Lulëzim Basha i ka bërë thirrje presidentit Ilir Meta “të mos e dekretojë këtë atentat kundër fjalës së lirë që rikthen ligjin famëkeq të diktatures për agjitacion e propaganda”.
Ndërsa në një reagim zëdhënësi i Metës, Tedi Blushi iu është përgjigjur interesit të mediave për faktin se cili do të jetë qëndrimi i presidentit për këtë ligj. Blushi thekson se Meta do të shprehet në kohën e duhur, pa u ndikuar nga askush përveç Kushtetutës dhe ligjit.
Ja cili është reagimi i zëdhënësit të Presidentit
I pyetur nga mediat, se cili do të jetë qëndrimi i Presidentit të Republikës ndaj së ashtuquajturës “Paketë anti-shpifje”, Zëdhënësi i Tij, z.Tedi Blushi sqaron se:
Presidenti i Republikës Sh.T.Z Ilir Meta do të shprehet në kohën e duhur, pa u ndikuar nga askush përveç Kushtetutës dhe ligjit.
Pasi të njihet zyrtarisht me ndryshimet ligjore dhe relacionin shoqërues, Presidenti Meta do të ndërtojë një proces shterues ligjor, dhe do i njohë qytetarët me qëndrimin e tij përfundimtar.
