Xhani Demika, menaxheri i njohur I VIP-ave na bën të ditur në faqen e tij në Instagram me publikimin e një video ku shohim këngëtarin e njohur Itsfinem i cili bën një gjest tepër human në një lagje të Tiranës.
Finem shkon te ky fëmijë me aftësi të kufizuar që gjendet në karrocë me rrota, dhe që prej kohësh e ka pas idhull këngëtarin duke pritur që një ditë ta takojë. Finem i prekur dhe dashamirës ndaj fëmijës shkon bashkë me Xhani Demika dhe i bën surprizë djalit duke e takuar dhe e përqafuar për t’i realizuar ëndrrën e tij. Djali i vogël shumë i entuziazmuar përlotet nga gëzimi që këngëtari shkon dhe e takon në lagjen ku ai ndodhej. Ky lajm ka prekur shumë njerëz pasi ky fëmijë nuk mund të shkonte pas këngëtarit, por Finem i shkon pranë tij duke i bërë një ditë të paharrueshme.
Ky është Itsfinem, shkruan Xhani Demika, sepse një artist nuk duket vetëm nga muzika dhe në skenë, por duket dhe nga gjestet dhe dashurinë që ka për fansat dhe personat që i duan, aq më tepër për të gëzuar një person./Përgatiti:Fjala.al/EnkelejdaFishekaj
