Kandidati i dytë për kreun e SPAK, Arben Kraja i është përgjigjur pyetjeve në Këshillin e Lartë të Prokurorisë
“Kemi dështuar në ndëshkimin e korrupsionit në nivel të lartë dhe të krimit të organizuar. Situata është shqetësuese. Nga pamja ligjore jemi të mbrojtur, duket zbatim korrekt i ligjit në praktikë. Nga 15 prokurorë që ka caktuar KLP për nisjen e SPAK kemi vetëm 8. Kemi 2 mundësi ligjore për plotësim: drejtuesi mund të caktoj një Prokuror të Përkohshëm që plotëson kriteret për të ushtruar veprimtari në SPAK. E dyta, drejtuesi i SPAK mund të kërkojë prokurorë për një detyrë specifike në SPAK. Sot SPAK ka kompetencat e qarta ligjore të përcaktuara me ligj. Unë mendoj se jam i përshtatshëm për këtë pozicion sipas kritereve që Këshilli ka shpallur për këtë pozicion. Kam kontakte me të gjithë kolegët e SPAK pavarësisht nga nga vijnë. Unë i vlerësoj kapacitetet profesionale dhe njerëzore të secilit. Do të doja një strukturë të plotësuar, funksionale dhe me rezultate të prekshme para opinionit publik. Unë e konsideroj vetem në një nivel me kolegët e mi. Drejtuesi ka detyrime dhe përgjegjësi për funksionimin eficent të institucionit. Do të jemi një grup kompakt, një strukturë e vetme bashkëpunuese që respektojmë pavarësinë dhe vendimmarrjen e secilit”. -tha kandidati Kraja.
