Një ngjarje e rëndë ka ndodhur pak minuta më parë në kryeqytet, ku një person është plagosur me armë zjarri.
Deri më tani nuk dihen shkaqet dhe rrethanat e atentatit me armë. Ndërsa ngjarja mësohet se ka ndodhur pranë Sanatoriumit në Sauk.
Sipas informacioneve paraprake, i plagosuri quhet Santi Xhaferi i moshës 38-vjeç. Ai ka mbetur i plagosur në këmbë dhe u gjet nga kalimtarët në rrugë duke kërkuar ndihmë.
Ndërkaq, policia është nisur drejt vendngjarjes për të zbardhur rastin.
Tiranë/Informacion paraprak
Rreth orës 18:20, ka mbërritur me ambulancë në spital, jashtë rrezikut për jetën shtetasi S. Xh.,38 vjeç, i cili kishte dëmtime në kokë dhe ne këmbët, ku paraprakisht u dyshua se ishte plagosur me armë zjarri
Nga këqyrja e mëtejshme e bërë nga mjekët rezultoi se dëmtimet janë shkartuar me mjete të forta dhe jo nga armë zjarri
Ngjarja ka ndodhur ne afërsi të rrethrrotullimit të rrugës së Elbasanit në drejtim të Saukut, ku fillimisht shtetasi S.Xh, është transportuar me një automjet drejt Sanatoriumit në Sauk dhe më pas është kërkuar ndihma e ambulancës e cila e ka transportuar në SQU për ndihmë mjekësore.
Nga veprimet e para dyshohet se ngjarja ka ndodhur si pasojë e një konflikti me një shtetas tjetër.
Personat që e kanë transportuar drejt Sanatoriumit me mjet janë shoqëruar në ambientet e Komisariat të Policisë Nr 1 për sqarimin e rrethanave te ngjarjes.
Grupi hetimor po vijon punën për zbardhjen e rrethanave të ngjarjes, identifikimin dhe kapjen e autorit.
