Ndalohet një shtetas, i dyshuar si autor i vrasjes së 48-vjeçarit, ngjarje e ndodhur ditën e djeshme në fshatin Mborje. Ai quhet Devis Hoti dhe mendohet se e ka kryer krimin për motive të dobëta.
Strukturat e Drejtorisë Vendore të Policisë, Korçë, në bashkëpunim me Prokurorinë pranë Gjykatës së Rrethit Gjyqësor Korçë, në vijim të punës për zbardhjen dhe dokumentimin e ngjarjes së ndodhur më datë 19.12.2019, ku në fshatin Mborje, pranë banesës dhe dyqanit të tij u gjet i vrarë shtetasi Flamur Duci 48 vjeç, bënë të mundur kapjen dhe ndalimin e autorit të dyshuar të ngjarjes shtetasit: Devis Hoti, 18 vjeç, banues në fshatin Mborje, i dënuar më parë për veprën penale “Plagosja e rëndë me dashje”.
Kanë qenë një sërë gjurshmësh dhe dëshmish që kanë çuar tek djali që sipas të dhënave ka një profil të njohur në zonën e Korçës. Ndonëse ende nuk është vërtetuar mësohet se i riu ka patur edhe një person tjetër me të cilin ka marrë pjesë në vrasje por policia dhe prokuroria po punojnë për të shkuar te shkaqet reale të ktij krimi monstruoz.
Flamur Duci u masakrua me thika dhe më pas iu vu flaka nga agresorët mëngjesin e djeshëm në dyqanin, pronë të tijën. Burime nga policia lokale tregojnë se aty janë gjetur gjurmë të mjaftueshme të autorit të dyshuar, gjurmë që kanë çuar edhe në prangosjen e tij.
Kështu Prokuroria e Rrethit Gjyqësor Korçë, bazuar në hetimet e kryera në lidhje me ngjarjen e mësipërme, ka urdhëruar ndalimin e këtij shtetasi pasi dyshohet se ka konsumuar elementë të veprës penale “Vrasja me dashje”.
Vijojnë hetimet për sqarimin e mëtejshëm, dhe zbardhjen e plotë të rrethanave të ngjarjes. Priten dëshmi dhe prova të tjera ndërkohë që djali në policia për gjatë gjithë orëve të pas mesantës ka mbajtur qëndrim mohues për krimin. /Fjala.al/
