Shi dhe stuhia shiu priten të sundojnë të shtunën pasdite dhe të dielën. Pas mesditës së sotme priten reshje intensive sidomos në orët e mbrëmjes aq sa është paralajmëruar edhe për përmbytje në zona të ndryshme të vendit.
Kështu kjo fundjavë do të na rezervojë një mot të paqëndrueshëm, ku do të mbizotërojnë reshjet e shiut, njofton SHMU.
E shtuna edhe pse deri në mesditë do të ketë edhe intervale kthjellimi pas mesditë reshjet e shiut do të shtrihen në të gjithë territorin me intensitet mesatar deri të lartë. Hera-herës reshjet do të jenë në formën e shtrëngatave dhe rrebesheve afatshkurtra shoqëruar me shkarkesa elektrike.
Edhe dita e Diel do të mbetet nën të njëjtat kushte atmosferike ku do të dominojnë reshjet intensive të shiut pas mesdite. Ajo që vlen të theksohet është që në periudha të shkurtra kohore do të regjistrohen sasi të larta reshjesh, kryesisht në Veriperëndim dhe në Jug të vendit.
E gjithë kjo situatë do të shoqërohet me erë nga kuadrati i Jugut hera-herës e vrullshme deri në 20m/sek, përgjatë bregdetit dhe zonave luginore.
Në fushën termike nuk priten luhatje të ndjeshme, ndonëse ende nuk është bërë e mundur të përcaktohet sidomos këtyre kohëve ky fakt në vendin tonë.
Deri nga dita e Martë flitet për mot të paqëndrueshëm, pastaj një lajm i mirë vjen për Krishtlindje kur jo vetëm do ketë mot të mirë por edhe të ngrohtë. /Fjala.al/
