Dëmet e shkaktuara nga tërmeti i 26 nëntorit po sensibilizon gjithnjë e më shumë organizmat ndërkombëtarë për të ndërmarrë hapa në rindërtimin e objekteve të shkatërruara. Një prej organizmave kryesore është edhe KE.
Drejtoreshë për Ballkanin Perëndimor në Komisionin Evropian dhe Shefe e Operacionit Ndërkombëtar të Monitorimit (ONM) Genoveva Ruis Calavera në një status në Twitter reagon pas vizitës në qytetin e Durrësit.
“Në Durrës sot duke dëshmuar dëmet e shkaktuara nga tërmeti. Solariteti i BE dhe shteteve anëtare të tij – është demonstruar që nga dita e parë dhe ne do të vazhdojmë të qëndrojmë pranë Shqipërisë”-shkruan ajo.
KE ishte nga organizmat e parë që lëvroi rreth 15 milionë euro, të cilat u konsideruan si faza e parë e ndihmës për të kapërcyer problemet imediate. Në muajt në vijim pritet të mbahet edhe konferenca e donatorëve enkas për Shqipërinë./Fjala.al
