Juventusi do të presë sot në orën 17:45 në King Saud University Stadium Lazion në ndeshjen për Superkupën e Italisë, e cila do të zhvillohet në Riyadh të Arabisë Saudite.
Ky takim do të jetë i vështirë për të dyja këto ekipe, pasi kujtojmë se në ndeshjet e deritanishme të këtij sezoni të Serisë A, Juventusi kryesues është mundur vetëm nga të “Kaltrit”.
Takimi midis “Zonjës së Vjetër” dhe “Lacialëve” pritet me emocion të madh pasi ndër vite këto dy skuadra kanë qenë rival.
Maurizio Sarri dhe Simone Inzaghi do të luajnë në këtë ndeshje shumë të rëndësishme me mungesa lojtarësh, edhe pse do të mundohen të krijojnë formacionet më të mira të mundshme, për të siguruar trofeun e parë në këtë sezon.
Portieri i Kombëtares Shqiptare, Thomas Strakosha do të luajë për skuadrën e Lazios që nga minuta e parë e lojës dhe bashkë me të edhe Francesco Acerbi, Luis Alberto e Immobile, ndërsa Sarri nga ana e tij do të fillojë ndeshjen me ‘tridentin’ Ronaldo-Higuaian-Dybala.
Formacionet e mundshme të Superkupës të Italisë:
Juventus (4-3-3): Szczesny; Cuadrado, Bonuçi, De Ligt, Alex Sandro; Bentancur, Pjanic, Matuidi; Dybala, Ronaldo, Higuain
Lazio (3-5-2): Strakosha; Luiz Felipe, Acerbi, Radu; Lazzari, Milinkovic-Savic, Lucas Leiva, Luis Alberto, Lulic; Immobile, Correa/Përgatiti: Fjala.al/
