Agjencia e Kadastrës publikon listën me 2 mijë përfitues lejesh legalizimi në 12 qarqe të vendit. Përfituesit janë qytetet e Durrësit, Elbasanit, Shkodrës, Kamëz, Vorë, Fier, Kavajë, Kukës, Lezhë, Mirëditë, Pogradec, Tirana Jug, Tirana Rurale 1. “Të gjithë personat që gjejnë emrin në listat e më poshtme, të paraqiten pranë zyrave rajonale të Kadastrës për të tërhequr Lejet e Legalizimit”-thuhet në njoftimin e Kadastrës.
Agjencia e Kadastrës ka përfunduar procesin e legalizimit për 2 mijë përfituesit, të cilët tashmë do të marrin certifikatën e pronësisë për shtëpitë e tyre. E gjithë procedura për pajisjen me tapi ndiqet nga Agjencia. Ndërsa për sipërfaqet e truallit, pronarët do të presin vendimin e qeverisë për të marrë pronësisë. Sipërfaqja për të cilën njihet e drejta e pronësisë nuk mund të jetë më shumë se 500 m2. Sipas ligjit në fuqi sipërfaqja për të cilën njihet e drejta e pronësisë është sa trefishi i sipërfaqes së ndërtimit. /Fjala.al/
