Lideri i lëvizjes Vetëvendosja, Albin Kurti, i cili pritet të bëhet edhe Kryeministër i Kosovës, pasi fitoi zgjedhjet e mbajtura në muajin tetor, ka reaguar me anë të një statusi në rrjetin social “Twitter” në lidhje me nismën për Mini-Shengenin Ballkanik, që mbajti samitin e tretë në Durrës dhe Tiranë, mes Kryeministrit Edi Rama, atij të Maqedonisë së Veriut, Zoran Zaev, Presidentit serb, Aleksandër Vuçiç, dhe atij malazez, Milo Gjukanoviç.
Ai shprehet se duhet të kemi më shumë bashkëpunim midis Shqipërisë dhe Kosovës pasi sipas tij, shqiptarët dhe kosovarët janë dhe do të jenë gjithmonë një popull dhe askush nuk mund të qëndrojë mes tyre.
“Parimet e gjithëpërfshirjes dhe reciprocitetit duhet të udhëheqin iniciativat rajonale. Rruga nga #Belgrade për në #Tiranë kalon nëpër #Prishtina. Ne jemi dhe gjithmonë do të jemi një popull dhe askush nuk mund të qëndrojë mes nesh. Ne kemi nevojë për më shumë bashkëpunim jo konfrontim!”-shprehet Kurti.
Kryeministri Rama deklaroi se sapo të krijohet qeveria e re, ai do të bisedojë sërish me Kurtin në lidhje me Mini-Shengenin Ballkanik , për përfshirjen e Kosovës. Pavarshisht situatës së krijuar pas samitit, kjo nuk do të thotë se nuk do të vazhdojë komunikimi dhe bashkëpunimi midis Shqipërise dhe Kosovës./Fjala.al
