Modelja Kejvina Kthella, ka folur për herë të parë për sekuestrimin e llogarisë bankare që i ka bërë Gjykata e Krimeve të Rënda. Madje nuk ka qenë vetëm llogaria bankare por edhe makina edhe celulari të cilat janë marrë pas deklaratës së saj se harxhonte 200 mijë lek në ditë.
Pak ditë më vonë me kërkesë të modeles Gjykata i ktheu vetëm celularin.
Ajo ka folur rreth kësaj ngjarje në emisionin “Thumb On”, ku ka dhënë totalisht një tjetër version për deklaratën. Ndryshe nga deklarata e dhënë më parë ajo është shprehur se çdo gjë që ka thënë nuk është e vërtetë. Përkundrazi Kejvina Kthella ha bukë në shtëpi, që të mos harxhojë para dhe ditën e intervistës ajo ka prishur vetëm para sa për një paketë cigareje.
“Ja kam futur kot, atë ditë isha e mërzitur. Doja të ekzagjeroja çdo gjë dhe e ekzagjerova. Sot kam harxhuar vetëm 300 lekë sa për një paketë cigare. Edhe bukën e ha në shtëpi që të mos harxhoj lekë.”, -u shpreh ajo.
Kejvina Kthella rezultoi se kishte njohje me personin e vetëm të arrestuar deri më tani si autor i atentatit, Redjan Rraja. Pas arrestimit të Rrajës, policia e mori në pyetje për ta pyetur lidhur me lëvizjet e tij para atentatit, pasi në telefonin e 34-vjeçarit u zbuluan telefonatat e shpeshta me Kthellën.
/Fjala.al
