Klubi italian i Milan mund të ndryshojë pronar dhe t’i shitet biznesmenit që posedon shtëpinë gjigante të modës “Luis Vuitton”.
Media italiane “Telelombardia” raporton se ka një kopje të presidentit ekzekutiv të shtëpisë së modës, Bernard Arnu për blerjen e aksioneve të këtij klubi dhe zëvendësimin e kompanisë “Eliot”.
“Unë disponoj një kopje autentike të dokumentit për kërkesën e ‘Luis Vuiton’ për të blerë Milanin. Ky dokument daton që prej muajit nëntor”,- u shpreh për këtë media Antonelo Martinez, duke shtuar edhe se një ndryshim i tillë do të sillte një reformim jo vetëm te lojtarët, por edhe te strukturat drejtuese të këtij ekipi.
Kalimi i pronësisë së klubit të “Djajve të Kuq” te Luis Vuitton është diskutuat edhe më parë madje është thënë edhe se kjo lëvizje do të sillte te Milan si Kilian Mbape e Lionel Messi si dhe trajnerin gjigant Jurgen Klop.
Deri më tani këto hamendësime janë hedhur poshtë nga pronarët aktual të Milan, të cilët refuzojnë të konfirmojnë diçka të tillë.
Ndërkohë, rikujtojmë se ditën e djeshme Milan pësoi humbjen më të rëndë në 21 vitet e fundit duke u mundur nga Atalanta në Bergamo 5-0./Përgatiti: Fjala.al/
