Mbledhja e kryesisë së Partisë Socialiste ditën e sotme për të thirrur Kongresin më 29 shkurt dhe për të kryer procesin e riorganizimit e kësaj force politike për të përfunduar procesin zgjedhor.
Në daljen e tij për mediat, Rama e cilësoi këtë proces si një përgatitje për zgjedhjet e ardhshme. Ai mëshoi fort faktit se zgjedhjet janë në qershorin e 2021, por për atë vetë dhe forcën politike që drejton ato janë shumë afër.
Në një prononcim për mediat, në përfundim të mbledhjes së kryesisë së PS, kryeministri Edi Rama, njëherësh kryetar i kësaj force politike u shpreh se partia e tij ka nisur përgatitjet për kryetarët e degëve në të gjithë vendin.
“…në përgjithësi ky proces na ka dhënë atë që kemi pritur na ka dhënë një energji të re ripërtëritje të domosdoshme, edhe pse zgjedhjet duken larg ato janë nesër qershori 2021 është shumë afër politikisht” u shpreh Rama.
Deklarata e Ramës duket me një kuptim të dyfishtë, që edhe pse thotë se zgjedhjet janë në 2021, për atë vetë politikisht janë shumë afër.
A mund të ketë zgjedhje të parakohshme?
Ngërçi që ka prodhuar në pushtetin vendor si rrjedhojë e zgjedhjeve të fundit, e ka bërë kryeministrin Edi Rama të mendojë riorganizimin e Partisë Socialiste në qarqet e vendit. Shkodra e cila mbetet pa kryetarin e saj të bashkisë nga radhët e së majtës ka krijuar një situatë kaotike pas ikjes së Valdrin Pjetrit.
“…sa i përket Shkodrës nuk ka një vendim është në situatën më të rëndë, ka një kryetare që është e nuk është kryetare, po është një çështje që nuk është në dorën tonë, presim të marri një zgjidhje”
Tërmeti, ndoshta ia rriti kuotat Edi Ramës në opinionin publik, por propaganda pos-tërmet dhe mini-shengeni ballkanik duket se ia kanë zbehur aureolën.
Përplasja direkte me Kosovën, dhe përqafimi politik me Vuçiçin ka sjellë kundërshtime të shumta ndaj figurës së kryeministrit Rama.
“Me presidentin nuk kemi komunikim, situata post zgjedhore karakterizohet nga një inerci që lidhet me histori dekrete ç’dekrete kemi për detyrë të garantojmë vazhdimësinë normale të qeverisjes, sa i përket Shkodrës nuk ka një vendim është në situatën më të rëndë, ka një kryetare që është e nuk është kryetare, po është një çështje që nuk është në dorën tonë, presim të marri një zgjidhje.” –theksoi Rama./Fjala.al/
