Zlatan Ibrahimovic është tashmë lojtar i lirë, pasi kontrata që ai kishte me Los Angelos Galaxy ka përfunduar.
Nga mediet italiane u mësua se midis sulmuesit kroat dhe klubit të Milan ka kohë që kanë nisur bisedime për rikthimin e veteranit te “Djajtë”. Një detaj i ri i këtyre bisedimeve është bërë publike nga “La Gazzetta dello Sport” dhe “Corriere della Sera”, të cilët raportojnë se kushte e kontratës kanë tashmë një ndryshim të rëndësishëm nga ato që u publikuan fillimisht.
Gjatë bisedimeve të para u diskutua se vazhdimësia e kontratës midis Ibrahimovic dhe Milan do të varej nga pjesëmarrja e Milan në garat evropiane.
Ndërsa, në kontratën e re që mund të firmoset nga sulmuesi kroat dhe klubi italian theksohet se Ibrahimovic do mund të qëndrojë në San Siro për 18 muaj, nëse ka performancë të mirë në gjashtëmujorin e parë, që përkon edhe me pjesën e dyte të sezonit 2019-2020 të Serisë A.
Ndikim në ndryshimin e këtyre kushteve duket se ka pasur edhe ndeshja e fundit e klubit të Milan, ku u mund me rezultatin 5-0 nga Atalanta, rezultat i cili nuk kishte ndodhur që para 21 viteve.
Është pikërisht situata e rënduar e klubit që ka bërë që të ulen kërkesat ndaj Zlatan Ibrahimovic./Përgatiti: Fjala.al/
