Nuk është e lehtë të mësosh fëmijët, sidomos kur bëhet fjalë për lëndët shkencore pasi përqendrimi i tyre është më i lartë te argëtimi dhe gjërat që nuk i përkasin shkollës. Shpesh herë mësuesit e kanë sfidë që të bëjnë një orë mësimi produktive dhe të zgjojnë interesin e nxënësve.
Verónica Duque, është një prej mësuesve të cilat kanë dhënë mësim për 15 vite dhe së fundmi ka gjetur një mënyrë tepër kreative për t’iu mësuar fëmijëve anatominë e trupit. Ajo ka veshur një kostum i cili mban të pikturuar të gjitha organet e trupit.
Ka qenë burri i saj që ka postuar në Twitter foton e gruas e tij duke mësuar një klasë me fëmijë 8-9 vjeç.
“Shumë krenar për këtë ide dhe jam me fat që kam këtë grua”, -shprehet ai.
Ndërkohë ideja e mësueses është pritur mirë dhe është bërë hit në rrjete sociale, duke marrë shumë komente pozitive.
Gjithashtu Verónica, shpesh befason nxënësit e saj në mënyra të tjera, duke përfshirë veshjen e maskave kur jep mësime të historisë.
/Fjala.al
