Mesfushori me origjinë kosovare, Granit Xhaka, gjatë merkatos së janarit do lëviz nga klubi i Arsenal.
Xhaka nuk ka gjetur dot gjuhën e përbashkët me klubin dhe po kërkon një largim sa më të shpejtë, ndërkohë që prej kohësh raportohet se skuadra nga Bundesliga kanë shprehur interes për lojtarin.
Që nga incidenti me tifozët në ndeshjen me Crystal Palaces ku Arsenal mori vetëm një barazim 2-2, kosovari nuk ka gjetur qetësi të londinezët.
Sipas “RMC Sport” skuadra e cila luan në Bundesligë, Hertha Berlin, po kërkon blerjen me patjetër të Granit Xhakës, kjo pasi nuk u arritën që të merrnin Lucas Tousart nga klubi i Lyon-it.
Skuadra gjermane ka ofruar shifrën e 20 milionë eurove për mesfushorin e Arsenal, por kjo është refuzuar menjëherë nga klubi anglez.
Dëshira e madhe e teknikut Jurgen Klinsmann për ta pasur Xhakën ka bërë që të fillojë bisedimet me skuadrën londineze dhe agjentin e lojtarit për të gjetur një marrëveshje të përbashkët./Përgatiti: Fjala.al/
