Gjykata e Tiranës dha ditën e djeshme masën “Arrest shtëpie” për presidentin klubit të Turbinës së Cërrikut, Gentian Gjokën.
Gjoka u arrestua para disa ditësh në zonën e ish-Bllokut të Tiranës pak metra larg shtëpisë së tij, pasi u kap duke lëvizur me armë pa leje.
Mbi presidentin e Turbinës rëndon akuza e armëmbajtjes pa leje si dhe nga Gjykata e Vlorës është dënuar edhe për akuzën e mashtrimit.
Në një komunikim me “Panorama sport”, Gjoka ka folur rezultatet e klubit dhe ka thënë se pasi të lirohet nga arresti do jetë pranë skuadrës së tij.
“Më shumë vjen keq që nuk morëm rezultat pozitiv në Fier ndaj Apolonisë. Do vazhdoj të kontribuojë për Turbinën dhe pasi të lirohem nga arresti i shtëpisë, do të jem pranë saj.
Do të financojë pa u kursyer aspak për të arritur objektivin e mbijetesës në Kategorinë e Parë. Do të formojmë një ekip më të fortë në 2020-ën, duke bërë blerje sa më cilësore. Ndërsa porsa i përket trajnerit, Gentian Stojku, ju them se ai do të vazhdojë të jetë në krye të skuadrës.”- tha ndër të tjera presidenti i Turbinës./Përgatiti: Fjala.al/
