Një tjetër linjë me kosto të ulët bilete do të nisë operimin drejt Shqipërisë në vitin 2020. Pas Air Albania që ka nisur fluturimet në disa destinacione të Europës duke e filluar rrugëtimin me linjat e fluturimit drejt Italisë dhe Stambollit, një tjetër kompani sheh Shqipërinë si destinacion të rëndësishëm.
Linja ajrore me “low cost” nga Ukrainës “SkyUp” Airlines, ka filluar shitjen e biletave për fluturimet nga Kyivi në Tiranë. Sipas të dhënave në faqen zyrtare të kompanisë mësohet se dje ka nisur shitja e biletave. “Më 23 Dhjetor 2019, SkyUp Airlines filloi shitjen e biletave për fluturimet nga Kyivi në Tiranë (Shqipëri) dhe Lisbonë (Portugali)”, thuhet në deklaratë.
Fluturimet për në Tiranë do të nisin nga 30 maji i vitit 2020. Ndërsa fluturimet për në Lisbonë do të fillojnë nga 29 Mars dhe do të ketë fluturime direkte të hënën dhe të premten e çdo javë.
