Hemuand Ali Hussain, i cili jetonte në Britaninë e Madhe është ekzekutuar më herët nga një grup individësh, tre prej të cilëve me origjinë shqiptare.
Shqiptari Florian Marku 24 vjeç, u paraqit dje në Gjykatën e Magjistraturës Teessid, pasi akuzohet për vrasjen. Marku do të mbahet në paraburgim, derisa në shkurt të dalë prapë në gjyq. Për vrasjen e shtetasit indian në Angli janë akuzuar edhe 3 persona të tjerë, ata janë: Noza Saffari, 38 vjeç resident në Midlesbrou, si edhe shqiptarët Anxhelo Xhaferi 22 vjeç, rezident në Middlesbrough dhe Dorian Pirija 31 vjeç, rezident në Bolton. Të gjithë momentalishtë janë në paraburgim.
Krimi ka ndodhur para pak muajve në Londër. Policia u njoftua në orën 11:57 të dielën e 15 shtatorit për ngjarjen. Qytetarët thanë se kanë gjetur trupin e pajetë të një burri në Charterhouse, pikërisht në rrugën Oxford. Hussain u identifikua zyrtarisht nga policia dy ditë më vonë dhe u konfirmua se ai ishte babai i dy fëmijëve të vegjël. Hemuand Ali Hussain kishte qenë një ish-ushtar i kurdëve, me një karrierë të suksesshëme në luftën ndaj ISIS./Fjala.al
