Një sulm i organizuar terrorist në Burkina Faso ka lënë të vrarë 35 civilë.
Shumica prej të vrarëve janë gra.
Sulmi ndodhi gjatë një pike kontrolli në pjesën veriore te shtetit, në Soum.
Përleshja midis forcave ushtarake të Burkina Fasos dhe militantëve terroristë zgjati disa orë rresht, në afërsi të qytetit Arbidua pranë kufirit me Malin.
Në një njoftim për mediat, krerët e ushtrisë raportuan se nga ky sulm mbetën të vrarë 7 persona të forcave të sigurisë si dhe 80 militantë terrorist.
Në mesin e 35 civilëve 34 prej tyre ishin gra dhe në nderim të tyre presidenti i vendit, Roch March Kabore, shpalli dy ditë zi kombëtare.
Burkina Faso, nuk është hera e parë që përballet me akte të tilla pasi edhe në të kaluarën ka vuajtur shumë nga ekstremizmi islamik që është parë edhe në vendin fqinj Mali.
Në Mali, ushtria franceze u detyrua të ndërhyjë për t’i larguar nga pushteti grupet terroriste në disa qytete.
Sulmet e shpeshta nga terroristët në këtë vende, i ka detyruar banorët e saj që të largohen nga shtëpitë e tyre dhe të drejtohen drejt vendeve evropiane, të cilat duken më të sigurta.
