Qyteti i Sidneit është ende në gjendje shoku pas incidentit të përgjakshëm që ndodhi mesditën e sotme në qendrën tregtare, ku një 40-vjeçar sulmoi njerëzit që ndodheshin aty duke i qëlluar me thikë.
Mësohet se numri i viktimave ka shkuar në 6, pasi pesë prej viktimave vdiqën direkt në vendngjarja dhe një 38-vjeçare vdiq pak më vonë në spital, duke u përpjekur të mbronte foshnjën e saj 9-muajshe nga 40 vjeçari.
Sipas përditësimit të fundit nga Policia dhe me hetimet në vazhdim, nuk ka asnjë provë që vërteton se sulmuesi, i cili kishte veshur një bluzë bejsbolli të gjelbër dhe pantallona të shkurtra jeshile, kishte motive terroriste apo ideologji radikale. Autori , i cili veproi i vetëm, u vra nga policia në vendin e krimit.
“Ky nuk është një incident terrorist. Jemi të bindur se nuk ka rrezik të vazhdueshëm. Nëse ai është personi që ne besojmë, atëherë ai nuk ka asnjë fanatizëm. Me fjalë të tjera, nuk është një incident terrorist” , tha zëdhënësja e Policisë, duke theksuar se është ende herët për të komentuar gjendjen e tij psikologjike./O.S
