Franca ka bllokuar eksportimin e një vepre nga Cimabue, “Krishti i derivuar”, sepse është “thesar kombëtar”. Piktura u gjet në kuzhinën e një gruaje të vjetër franceze dhe u shit në një ankand në tetor për 24 milion euro, shifra më e lartë e paguar ndonjëherë për një punë mesjetare. Për dekada, kjo pikturë mbeti e varur në mur, mbi sobë, përpara se të spikatej nga një menaxher i shtëpisë së ankandeve.
Ekspertët nga laboratorët e specializuar Turquin në Paris ia atribuuan pikturën e vogël në dru (26 x 20 cm) mjeshtrit që ka jetuar në shekullin e 13-të. Por pasi ‘Krishti i derivuar u ble nga koleksionistët anonimë të SHBA, shteti francez e klasifikoi atë si një “thesar kombëtar” dhe bllokoi eksportin e saj.
Sipas ligjit, autoritetet franceze kanë 30 muaj kohë për të gjetur fondet e nevojshme për ta riblerë përsëri pikturën. Në qëllimet e Ministrisë së Kulturës transalpine, ‘Krishti i derivuar’ duhet të shkojë të qëndrojë krah veprës ‘Madhëria’ e Luvrit, e artistit italian që ndodhet në muzeun parizien. Ministri, Franck Riester shpjegoi se kjo masë “na jep kohë për të mobilizuar të gjitha përpjekjet që synojnë mbajtjen e kësaj pune të jashtëzakonshme në koleksionet tona kombëtare”.
Piktura, sipas ekspertëve të Turquin, ishte pjesë e një diptiku të pikturuar nga Cimabue rreth vitit 1280, në të cilën u shfaqën tetë skena (katër për panel) të pasionit dhe kryqëzimit të Krishtit.
Burimi: Tgcomm24.mediaset.it
Përgatiti L.Veizi / Fjala.al
