Shpallet në kërkim një efektiv i Gardës së Republikës. Lajmin e bën me dije policia e Tiranës, e cila njofton se shtetasi Mariglen Hoxhallari, 35 vjeç, akuzohet për “Vrasje me dashje, e mbetur në tentativë”.
Sipas policisë, ai akuzohet për një ngjarje të ndodhur një ditë më parë, kur gardisti në bashkëpunim me persona të tjerë kanë goditur me sende të forta një shtetas, i cili po merr ndihmën mjekësore.
Ngjarja ka ndodhur më 24.12.2019, pra ditën e djeshme dhe materialet u referuan në Prokurorinë së Tiranës.
35-vjeçari, dyshohet se në bashkëpunim me persona të tjerë (punohet për identifikimin e kapjen e tyre) kanë goditur me sende të forta një shtetas emri i të cilit nuk u bë publik nga policia.
Mësohet se ai është Ismet Llesho dhe gjendet tek spitali i Traumës në gjendje të rëndë shëndetësore. Të dhënat tregojnë se sulmi i gardistit ka ndodhur në bashkëpunim.
Ai është larguar në drejtim të paditur dhe se është shpallur në kërkim pak orë pas ngjarjes. Pritet dëshmia e të plagosurit për të hedhur dritë mbi agresionin e gardistit Hoxhallari. /Fjala.al/
