Me anë të një video mesazhi Albin Kurti shpjegoi se ai dhe Vetëvendosja i kishin bërë disa propozime LDK-së, se ata nuk i kishin pranuar dhe se negociatat kishin përfunduar. Ndërkohë Isa Mustafa, nëpërmjet një postimi në facebook shprehet se për të negociatat ende nuk kanë dështuar.
“LDK-ja dhe unë, pavarësisht arsyeve të shumta që lidhen me raportet tona me VV-në në të kaluarën, jemi ulur në tryezë dhe kemi negociuar.
Në këtë proces, jemi kujdesur dhe kemi arritur ta imponojmë njohjen e proceseve dhe të atributeve të Kosovës shtet i pavarur e sovran, përcaktimin e saj strategjik euro-atlantik, përfshirë edhe modelin e ekonomisë sociale të tregut, si përcaktim strategjik dhe zhvillimor të Kosovës.
Negociatat nuk kanë qenë të lehta dhe partneri në tavolinë, Lëvizja Vetëvendosje, në disa raste, i ka shpërfillur rregullat për të cilat kishim rënë dakord.
Të tillë e kam parë VV-në edhe sonte me video-mesazhin e Kryetarit të Vetëvendosjes, z.Albin Kurti.
Për LDK-në dhe për mua, negociatat nuk kanë dështuar”, shkruan mes të tjerash Isa Mustafa.
