Një 19-vjeçar, banor i Katanias, Itali, shpërndarës lëndësh narkotike, ka kërcënuar një 34-vjeçar klient të tijin se, nëse nuk e paguante atë menjëherë, ai do t’i dërgonte shqiptarët për t’ia marrë.
E gjitha filloi për shkak të një borxhi prej 750 eurosh, për të blerë lëndë narkotike nga 34-vjecari, për të cilën shpërndarësi kërkoi pagesën e menjëhershmë përmes kërcënimeve të qarta.
“Nëse nuk më jep të paktën 300 euro sot, do të përfundojë keq si për mua edhe për ty. Nëse nuk mi jep ti, do t’ia marr djalit tuaj, do të dërgoj shqiptarët të t’i marrin”,- i ka thënë shpërndarësi.
I shqetësuar për kërcënimet, veçanërisht për ato që i drejtohen djalit të tij 2-vjeçar, duke mos pasur para në dispozicion për të shlyer borxhin, ai kërkoi ndihmë nga policia, e cila pasi dëgjoi faktet, organizoi një mision për të shtënë në dorë 19-vjeçarin.
Djali u shfaq tek shtëpia e 34-vjecarit, por duke e pritur atë, ai gjeti karabinierët që e prangosën sa hap e mbyll sytë. Pasi e vunë në pranga, karabinierët kontrolluan shtëpinë e tij, ku gjetën dhe sekuestruan një armë lodër, markë “Kimar”, e cila mund të ishte arma e përdorur për të trembur viktimën./Burimi: lasiciliaweb.it Përshtati: Fjala.al/
