Padia e Presidentit të Rëpublikës, Ilir Meta, kundër gjyqtarit Ardian Dovrani, duket se do të jetë një nga dosjet e bujshme me të cilat do të merret SPAK-u. Kjo, pasi Prokuroria e Tiranës pasi shpalli moskompetencën, e dërgoi atë për hetim pranë Strukturës së Posaçme Anti-Korrupsion.
Dosja e KED-së, solli përplasje të forta mes Presidentit të Republikës dhe kreut të këtij institucioni mbi ngritjen e Gjykatës Kushtetuese. Kjo lëvizje tashmë do të thotë se, hetimet për padinë e Presidentit Meta, kundrejt kreut të KED-së, Ardian Dvoranit, do t’i kryejë SPAK.
Prokuroria e Tiranës konfirmoi zyrtarisht për mbylljen e hetimit nga kjo prokurori, duke shpallur moskompetencë për padinën e Kreut të Shtetit, me pretendimin se Ardian Dvorani, është zyrtar i lartë.
Mediat kanë përmendur se Prokurori Alket Mersini, ka shpallur moskompetencën për shkak të cilësive të veçanta që ka subjekti i kallëzuar, pra kryetari i KED-së, Ardian Dvorani. Deri tani, kjo është e vetmja dosje që Prokuroria e Tiranës ka dërguar pranë Strukturës së Posaçme Anti-Korrupsion.
Presidenti i Republikës, Ilir Meta, ka kallëzuar kreun e KED-së, Dovrani, për veprat “shpërdorim detyre” dhe “përvetësim i titullit”./Fjala.al/
