Me 8 janar do të luhet ndeshjet gjysmëfinale për Superkupën e Spanjës ku Valencia do të presë Real Madridin, ndërsa Barcelona do jetë përballë Atletico Madrid.
Rezultatet e këtyre ndeshjeve do të caktojnë se cilat do jenë skuadrat që do luajnë për Superkupën e Spanjës.
Real Madrid nuk dihet ende nëse do i ketë të gjithë lojtarët e tij potencial, pasi Eden Hazard ka mbi një muaj që nuk aktivizohet në asnjë ndeshje si pasojë e një lëndimi në kyçin e këmbës së djathtë.
Duket se rikuperimi i Hazard është ende i largët dhe kjo do të thotë se ai do jetë larg ndeshjeve për Superkupën.
Klubi ka informuar tifozët se Hazard nuk do të kthehet në fushën e lojës pa u arritur rikuperimi i plotë i tij,pasi nuk duan që të ketë rrezik për pasoja më të rënda.
“Asnjë rrezik nuk duhet të merret me Hazard, duke e kthyer pa u rikuperuar plotësisht.”-njofton klubi.
Hazard dëshiron që të jetë pjesë e skuadrës që në ndeshjen e 8 janarit, por klubi nuk do që të rrezikojë dhe ta fusë në fushë përpara ndeshjes finale. Në gjashtë ndeshje në total që ai ka luajtur me klubin, Real Madridi ka shënuar 20 gola./Përgatiti: Fjala.al/
