Arbitri shqiptar i cili ka mbajtur edhe stemën e FIFA-s, Ermal Barushi ka njoftuar ditën e djeshme tërheqjen e tij nga arbitrimi.
Në një postim në rrjetet social, 41-vjeçari bën me dije se ky është një vendimi parakohshëm,por në të njëjtën kohë zgjedhja më e mirë e momentit.
Për këtë vendim të arbitrit Ermal Barushi ka reaguar kolegu i tij Lorenco Jemini, i cili e ka quajtur këtë vendim si një ngjarje që mund të ndodhë vetëm në vendin tonë.
“Të jesh 40 vjeç dhe një nga asistentët më të mirë që unë kam arbitruar dhe të lesh arbitrimin në mes kjo vetëm në Shqipëri mund të ndodhë.”-ka thënë ai.
Më tej, Jemini ka shtuar se më mirë të largohesh shpejt e me nder se sa të bëhesh si kloun cirku.
Në një vend ku njerëz si ty dhe si ca të tjerë duhet të arbitronin deri sa t’ju zbardheshin flokët. Gjithsesi më mirë të ikësh me kokën lart, sesa të bëhesh kloun cirku si ca e ca të tjerë. Të uroj suksese në gjithçka që do bësh tani e tutje.”-shkruhet në postimin Lorenco Jeminit./Përgatiti: Fjala.al/
