Një burrë nga Britania dhe dy fëmijët e tij, u mbytën në një pishinë në jug të Spanjës në sy të nënës së tyre. Sipas dëshmisë së mbledhur nga Garda Civile, viktimat nuk dinin të notonin.
Drama e familjes britanike u zhvillua në prag të Krishtlindjes, në një rezidencë turistike në qytetin bregdetar të Mijas, afër Malagës.
Ndërkohë një mjek mjeko ligjor po kryen autopsinë për të përcaktuar shkakun e vdekjes, hetuesit u shprehën se vajza që mbijetoi ka deklaruar se familjarët e saj nuk dinin not. Viktimat u identifikuan nga policia si një vajzë nëntë vjeçare, një baba 52 vjeç dhe një djalë 16 vjeç. Mosha e motrës së mbijetuar nuk është bërë e ditur.
Një zëdhënës i Gardës Civile shpjegoi se kur vajza e vogël nuk dilte dot nga uji, babai dhe vëllai i saj u hodhën në pishinë për ta shpëtuar atë, por u mbytën që të tre.
Edhe pse ekipet e shpëtimit u dërguan në vendngjarje ata nuk arritën të shpëtonin dot tre familjarët. Hetuesit nuk përjashtojnë ndonjë hipotezë në lidhje me vdekjen e tyre dhe janë në pritje të autopsisë./Fjala.al
