Miratimi i ligjit për lirinë e fesë ka çuar në degjenerimin e situatës në parlamentin e Malit të Zi.
Seanca është shoqëruar me protesta dhe dhunë.
Pas mesnatës seanca u ndërpre dhe në sallë hodh një lëndë e ngjashme me gazin lotsjellës.
Ligji kaloi vetëm me votat e qeverisë, ndërsa brenda dhe jashtë parlamentit pati protesta të dhunshme, raporton Al Jazeera për Ballkanin.
Pas incidentit, 22 persona u arrestuan – 18 deputetë të partisë Fronti Demokratik dhe katër të tjerë.
Kjo forcë politike paraqiti më shumë se 100 ndryshime në projektligj, por ato u kundërshtuan nga koalicioni qeverisës.
Më herët gjatë ditës së djeshme, qindra përkrahës të opozitës pro-serbe dolën në rrugët e Podgoricës për të protestuar kundër projektligjit.
Policia vendosi barriera metalike përgjatë rrugëve për të parandaluar protestuesit, përfshirë disa priftërinj, të cilët ishin përpara parlamentit, ku ligjvënësit po debatonin për projektligjin.
Kisha Ortodokse Serbe pretendon se ligji do t’i heqë pronën, duke përfshirë dhjetëra manastire mesjetare dhe kisha.
