Drejtuesit e Tiranës kanë vendosur që në stolin e bardhebluve të qëndrojë nigeriani Emanuele Egbo. Ky vendim është marrë pasi tashmë ish-trajneri i portierëve arriti tri fitore të njëpasnjëshme, midis tyre edhe derbin me Partizanin. Tirana arriti që të fitonte sfidën me “Demat” e kaq pas një periudhe pesë vjeçare.
Emanuele u vendos në stolin e kryeqytetasve si trajner emergjence pas shkarkimit nga detyra e Ahmatajt. Rezultatet e skuadrës bënë që presidenti i klubit të marrë vendimin për t’ia besuar këtë detyrë de4ri në fund të sezonit nigerianit.
Ish-portieri i Tiranës e Bylisit tashmë do të jetë drejtuesi kryesor i stolit të bardhebluve dhe duhet të fillojë me planet për fazën tjetër të sezonit. Egbo ka vite që është pjesë e stafit të Tiranës duke luajtur rolin e protagonistit në përgatitjen e portierëve të klubit.
Ai ka luajtur për skuadrën e Tiranës nga viti 2001 deri në 2004, periudhë në të cilën bardheblutë kanë fituar edhe dy tituj kampionë./Përgatiti: Fjala.al/
