Transferimi i Zlatan Ibrahimovic te Milan tashmë është konfirmuar dhe pritet vetëm prezantimi i 38-vjeçarit te “Djalli”.
Suedezi u largua nga skuadra e Los Angelos Galaxy disa javë më parë dhe kishte ditë që flitej për kalimin e tij në “San Siro”, por deri para dy ditësh nuk kishte asgjë konkrete.
Mesa duket sulmuesi është i pari transferim që planifikojnë kuqezinjtë, të cilët janë duke përgatitur dy goditjet e radhës.
Mbrojtësi i Barcelonës Jean-Clair Todibo dhe Nemanja Matic i Manchester United,janë synimi kryesor i momentit tashmë për Milanin.
Francezi është i gatshëm që të largohet nga katalunasit në formë huazimi, kjo për shkak sepse ai nuk ka gjetur mjaftueshëm kohë për aktivizim te Barça.
Ndërsa, për lojtarin e United Milan është i gatshëm që të ofrojë një shumë prej 2 milionë eurosh./Përgatiti: Fjala.al/
