Ashtu si dhe vitet e tjera edhe këtë vit, pikat kufitare po punojnë me ritëm të lartë për shkak të fluksit të njerëzve që lëvizin si për të dalë ashtu dhe për t’u futur në Shqipëri.
Për të përballuar këtë fluks policia ka bërë të ditur se janë shtruar numri i sporteleve në pikat e kalimit në mënyrë që të sigurohet një lëvizje e njëtrajtshme, por edhe e kontrolluar e qytetarëve.
Në pikën kufitare të Morinit, prej pasdites së djeshme dhe deri tani janë shënuar radhë të gjata të qytetarëve të Kosovës që po kthehen nga perëndimi për festat e fundvitit.
Po kështu ka pasur edhe qytetarë nga Shqipëria që kanë zgjedhur që festat t’i kalojnë në Kosovë.
Policia kufitare e Kosovës momentalisht punon me procedurë të përshpejtuar për shmangien e radhëve të gjata.
Sipas informacioneve nga Policia Kufitare e Kosovës deri tani nëpërmjet pikës Kufitare Morinë janë futur 3430 automjete dhe 8983 shtetas të huaj dhe shqiptarë në 24 orët e fundit.
Sipas autoriteteve të doganës, fluksi më i madh i automjeteve është pasdite pasi shumë emigrantë zbresin në Durrës nga trageti, ndërsa në hyrje të Shqipërisë janë futur 3242 automjete dhe 7000 shtetas të huaj dhe shqiptarë.
Në një njoftim të sajin Policia e Shtetit thotë se në kufirin jeshil janë shtuar patrullimet në bashkëpunim me FRONTEX-in dhe me Policitë Kufitare homologe, me qëllim kontrollin sa më të mirë të kufirit, për të parandaluar dhe goditur paligjshmërinë./Fjala.al/
